Chhiartute Zawhna

Nupa ni lo mipa leh hmeichhia chu chhan ṭha awm si lova an pahnih chauhva in khata an riah chuan, chu chu judicial committee din ngai thil sual a ni em?

Chuvângin, chhan ṭha a awm a nih chauh loh chuan, judicial committee din ngei ngei tûr a ni.—1 Korinth 6:18.

Kohhran upate chuan judicial committee din a ṭûl leh ṭûl loh hriat nân a dinhmun chu ngun takin an ngaihtuah tûr a ni. Entîr nân: Anni chu inngaizâwng an ni em? Upate’n an inkawm dânah an lo zilh ngai tawh em? Engvânga in khata riak nge an nih? Chutianga awm tûrin an ruahman lâwk rêng em? Duh thlan tûr dang an nei em? Nge ni a, an thunun phâk bâk beisei loh thilthleng leh rîkrum thil avângin loh theih lohva in khata an riah a ngai zâwk? (Thuhriltu 9:11) Khawiah nge an mut? Dinhmun a inan loh avângin, upate thu tlûkna siam nghawng thei tûr thu dangte pawh a awm thei a ni.

Upate’n an thu hriat zawng zawng an ngaihtuah hnuah, judicial committee din a ngaih leh ngaih loh thu tlûkna an siam ang.