Bible Châng Dang Kawhhmuhna Chu Hlâwkpui Rawh

Khawvêl Thar Lehlin Pathian Lehkha Thu-a (English) Bible châng dang kawhhmuhna chuan i Bible châng chhiar mêk nêna inang, a nih loh leh inkûngkaihna nei thu chuanna Bible châng dangte chu la khâwmin, Bible-a thute’n inzawmna a nei tih a târ lang a. Bible châng dang kawhhmuhna chu thu mal pakhat bula hawrawp tê nêna chhinchhiah a ni. Bible chhut chhuahahte chuan, chu hawrawp chu lehkha phêk laiah, a nih loh leh a sîrah hmuh theih a ni a. Kan website jw.org leh JW Library^® app-ah chuan hawrawp chu hmetin Bible châng dangte chu i hmu thei a ni.

Bible châng dang kawhhmuhna chuan a hnuaia târ lante leh a aia tam a kawhhmuh thei che:

Thilthleng Inang: Bible bu danga a chuanna chu a târ lang a ni. Entîr nân, 2 Samuela 24:1 leh 1 Chronicles 21:1 en rawh.

Thu Lâk Chhâwnna: Thu, a nih loh leh ṭawngkam a tîra a lanna chu a târ lang a ni. Entîr nân, Matthaia 4:4 leh Deuteronomy 8:3 en rawh.

Hrilh Lâwkna Thleng Famkim Tawh: Hrilh lâwkna leh a thlen famkimna chu a târ lang a ni. Entîr nân, Matthaia 21:5 leh Zakaria 9:9 en rawh.