Nêksâwrna Hnuaiah Huaisenna Lantîr Rawh

Jeremia 38:1-13 chu chhiarin zâwlnei Jeremia leh mi tilreh Ebedmeleka te lantîr huaisenna chungchâng zir rawh.

Thu hnu leh thu hma zir chiang rawh. Engtin nge Jeremia’n Jehova thuchah puan chhuahnaah huaisenna a lantîr? (Jer. 27:12-14; 28:15-17; 37:6-10) Engtin nge mite’n an chhân lêt?—Jer. 37:15, 16.

Chipchiar takin zir rawh. Jeremia chuan eng nêksâwrna nge a tawh? (jr-E 26-27 ¶20-22) Hmân laia rip chungchâng zir belh rawh. (it-1-E 471) Jeremia chu rip chhûng chirh diak kâra a awm laiin engtin nge a awm ang? Ebedmeleka chuan eng hlauhawmte nge a hmachhawn theih?—w12-E 5/1 31 ¶2-3.

I thil zirte chu ngaihtuah rawh. Heti hian inzâwt ang che:

• ‘He chanchin hian Pathian Jehova’n a chhiahhlawh rinawmte a vênhim dân chungchângah eng nge min zirtîr?’ (Sâm 97:10; Jer. 39:15-18)

• ‘Eng dinhmunahte nge huaisenna ka lantîr a ngaih ang?’

• ‘Engtin nge nêksâwrna hnuaiah pawh thil dik ti tûrin huaisenna ka neih belh theih ang?’ (w11-E 3/1 30)a