Zir Bingna Atâna Thurâwn

Naupangte Tâna Zirtîrna Hmanruate

Nu leh pate chuan an fate Jehova chungchâng zirtîr tûrin mawhphurhna lian tak an nei a. (Eph. 6:4) Nu leh pate ṭanpui nân Jehova inawpna pâwl chuan zirtîrna hmanraw chi hrang hrang a tichhuak a ni. Engtin nge chûngte chu i fate zirtîr nâna i hman theih?

• Chûngte chu jw.org-ah zawng ang che. JW.ORG-ah video leh thiltih tûrte chungchâng thuziakte pawh telin, naupangte tâna tihchhuah thuziakte a awm a. a Chûng thute zawn hmuh nân, “Naupangte,” a nih loh leh “Tleirâwlte” tiin zawnna bâwmah ziak ang che.

• I fate tâna ṭha ber tûr chu thlang rawh. “Naupangte,” tih section hnuaia thu leh hla chhuahte chuan i fate hlâwkpui tûr thiltih tûrte thlang tûrin a ṭanpui thei che a. Chûngte chu i hmuh theih nân, “Family Worship Projects,” tiin zawng ang che.

• I fate chu hun hmanpui la. Kan video-te leh thiltih tûr chhut chhuahte chu i fate tâna hun khawhral nân mai hmang lo la. Chu aiin, chûngte chu i fate sawipuiin Jehova nêna an inṭhian ṭhatna tihngheh nân hmang zâwk ang che.