Pathianin A Ngaihsak Che
BIBLE hi Pathian hnên aṭanga lo kal a nih avângin, kan tâna thurâwn ṭha ber a chuang a. Dinhmun lungchhiatthlâk tak te, rilru buaina te, rilru natna te, leh tisa lam leh rilru hrisêlna lama harsatnate ṭha taka hmachhawn thei tûrin min ṭanpui thei a ni.
A pawimawh ber chu Bible-in min Siamtu Pathian Jehovaa chuan tu dang zawng aiin, kan ngaihtuahna leh rilru vei zâwngte a hre thiam tih min hrilh a. Ani chuan kan harsatna tawh eng pawh hmachhawn tûra min ṭanpui a châk hle. Entîr nân, Bible châng thlamuanthlâk tak pahnih hi lo ngaihtuah ila:
“LALPA chuan thinlunga lungchhiate chu a hnaih ṭhîn a, rilrua inchhîr apiangte chu a chhandam ṭhîn.”—SAM 34:18.
“Kei LALPA in Pathian hian, ‘Hlau suh u, ka ṭanpui dâwn a che u,’ tiin, in kut ding lam chu ka chelh dâwn si a.”—ISAIA 41:13.
A nih chuan, engtin nge Jehova’n rilru hrisêlna lama harsatnate hmachhawn tûra min ṭanpui? A dawta thuziaktea i la hmuh tûr angin, Jehova chuan min ngaihsak tak zetzia kawng ṭangkai tak takin a lantîr a ni.
a Jehova tih chu Pathian hming bil a ni.—Sâm 83:18.