Ṭhalaite U—In Nu leh Pate Hnênah In Thinlung Phawrh Rawh U

Engvângin nge in nu leh pate hnênah in ngaihtuahnate chu tlang taka hrilh in tum ang? (Thuf. 23:26) Jehova’n nangmahni ngaihsak tûr leh kaihruai tûra an hnênah mawhphurhna a pêk avângin. (Sâm 127:3, 4) In thil veite leh in lungkhamnate in hrilh loh chuan an tân ṭanpui che u a harsa ang a. Chu bâkah, nuna an thil lo tawnte chu in hlâwkpui thei lo vang. Thil zêp ṭhen neih chu a sual em? Dâwt in sawi loh phawt chuan a sual hran lo.—Thuf. 3:32.

Engtin nge in nu leh pate in biak theih ang? In inbiak theihna tûr atâna hun ṭha ber thlan tum ang che u. Chutianga tih chu in harsat chuan, tuemaw zâwk hnênah in ngaihtuahnate in hrilh thei a ni. In sawipui châk vak loh thute sawipui an tum che u chuan engtin nge ni ang? Ṭanpui an duh tak zet che u a ni tih hre reng rawh u. In nu leh pate chu hmêlma ang ni lovin, in lama ṭang angin ngai rawh u. In nu leh pate nêna inhawng taka inbe tûra in ṭan lâkna chu tûna in dam chhûng mai ni lovin, chatuanin in hlâwkpui ang!—Thuf. 4:10-12.

KA TLEIRAWL NUN—ENGTIN NGE KA NU LEH PATE KA BIAK THEIH ANG? TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Esther-i leh Partik-a te chu engtin nge an inhriat chhuah?

• 

  Isua entawn tûr siam aṭangin eng nge i zir theih?

• 

  Engtin nge i nu leh pate’n an ngaihsak che tih an lantîr?

• 

  Eng Bible thu bulte’n nge i nu leh pate be tûra ṭanpui thei che?