I Chhûngkaw Hlimna I Belhchhah Thei

Jehova chuan chhûngkuate chu hlim tûrin a duh a. (Sâm 127:3-5; Thur. 9:9; 11:9) Mahse, kan hlimna chu he khawvêla lungngaihna leh buainate avâng leh kan chênpui kan chhûngte ṭawngkam leh thiltihte avângin kan hloh thei a ni. A nih leh, chhûngkuaa mi tinte chuan an chhûngkaw hlimna belhchhah tûrin eng nge an tih theih?

Pasal chu a nupui chawimawi tûra tih a ni a. (1 Pet. 3:7) A nupui chu hun a hmanpui ṭhîn a. A laka beiseina inâwm tâwk a neih bâkah, amah leh a chhûngte tâna a thiltihte avânga a lâwmzia a lantîr a. (Kol. 3:15) A hmangaihzia hrilhin a fak ṭhîn a ni.—Thuf. 31:28, 31.

Nupui chuan a pasal a ṭanpui theih dân kawngte a zawng a. (Thuf. 31:12) A pasal lakah intulûtin, ṭha takin a thawhpui a ni. (Kol. 3:18) A pasal chu ngilnei takin a bia a, mi dangte hnênah pawh a chungchâng a ṭha lam chauh a sawi ṭhîn.—Thuf. 31:26.

Nu leh pate chuan an fate chu hun an hmanpui ṭhîn a. (Deut. 6:6, 7) An hmangaihzia an hrilh a. (Mt. 3:17) An zilh hunah pawh hmangaihna leh hriatthiamna an lantîr ṭhîn a ni.—Eph. 6:4.

Naupangte chuan an nu leh pate chu chawimawiin, an thu an awih a. (Thuf. 23:22) An ngaihtuahnate leh an rilru vei zâwngte an hrilh ṭhîn a. An nu leh pate zilhna chu pawmin, an zahzia an lantîr a ni.—Thuf. 19:20.

I CHHUNGKUAAH HLIMNA AWMTIR RAWH TIH CHANCHAWP VIDEO EN HNUAH, A HNUAIA ZAWHNA HI CHHANG ANG CHE:

Chhûngkuaa mi tinte chuan an chhûngkuaa hlimna awmtîr tûrin eng nge an tih ṭheuh?