I Rilruah Jehova Dah Reng Rawh

Hna zawn hmuh a har hian Pathian Ram leh A felna kan nuna dah hmasak reng chu harsa kan ti thei a. Jehova rawng kan bâwlna tiharsa thei, a nih loh leh Bible thu bulte min bawhchhiattîr thei hna pawm tûra thlêm kan ni mai thei. Mahse, Jehova chuan “a lama rilru dik tak putute” chungah a chakna a tilang ṭhîn tih kan chiang thei a ni. (2 Chro. 16:9) Eng thil mahin hmangaihna nei tak kan Pain min ṭanpuina tûr leh kan mamawh min pêkna tûr chu a dang thei lo. (Rom 8:32) Chuvângin, hna chungchânga thu tlûknate kan siam hunah Jehova kan rinchhanin kan nunah a rawngbâwlna kan dah pawimawh tlat tûr a ni.—Sâm 16:8.

JEHOVA TAN THINLUNG ZAWNG ZAWNGIN THAWK RAWH TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Engvângin nge Jason-a’n thamna a lâk duh loh?

• 

  Engtin nge Kolossa 3:23 thu hi kan nunpui theih?

• 

  Engtin nge Jason-a entawn tûr ṭha chuan Thomas-a a nghawng?

• 

  Engtin nge Matthaia 6:22 thu hi kan nunpui theih?