Jehova’n Engtin Nge A Ngaih Ang?

Thu tlûkna lian leh tête kan siam hmain, heti hian kan inzâwt tûr a ni, ‘Jehova’n engtin nge a ngaih ang?’ tiin. Jehova ngaihtuahna tûr zawng zawng hre kim vek thei dâwn lo mah ila, “hna ṭha tinrêng thawk tûra” kan inthuam theihna tûrin a Thu-ah a ngaihtuah dân tam tak a târ lang a ni. (2 Tim. 3:16, 17; Rom 11:33, 34) Isua chuan Jehova duh zâwng a hre chiang êm êm a, chu chu a nunah a dah pawimawh ber a ni. (Joh. 4:34) Isua entawnin, Jehova tilâwmtu thu tlûknate siam tûrin theih tâwp i chhuah ang u.—Joh. 8:28, 29; Eph. 5:15-17.

JEHOVA DUH ZAWNG HRE ZEL RAWH (LEV. 19:18) TIH VIDEO I EN HNUAH, A HNUAIA ZAWHNATE HI CHHANG ANG CHE:

• Engvângin nge Bible thu bulte kan nunpui a ngaih?

• Rimawi kan thlan hunah eng Bible thu bulte nge kan hman ang?

• Silhfên leh inchei dân kan thlan hunah eng Bible thu bulte nge kan hman ang?

• Kan nun kawng pêng dang a engahte eng Bible thu bulte kan nunpui ang?

• Jehova duh zâwng kan hriat theih dân chu engtin nge kan tihhmasâwn theih ang?