Rawngbâwlnaah Chatuanin I Hlim Thei! Tih Lehkhabu Chu Hmang Rawh

Bible zirna kaihhruaina atân brochure thar leh lehkhabu thar kan nei chu a va phûrawm tak êm! Jehova hnênah zirtîr tam lehzual siam tûra kan ṭan lâkna mal min sâwm tûrin kan ṭawngṭai a ni. (Mt. 28:18-20; 1 Kor. 3:6-9) Engtin nge hêng hmanraw tharte hi kan hman ang?

Chatuanin I Hlim Thei! tih phûrawm taka Bible sawihona hian zirtîr dân thar a hmêlhriattîr a, Bible zirna atâna i inbuatsaih hunah leh Bible zirna i kaihhruai hunah hêng kaihhruainate hi zâwm ang che.a

• A thute chhiarin, zawhnate sawiho vang che u

• “Chhiar rawh” tih Bible chângte chu chhiar la, i zirpui chu a nunpui theih dân hre thiam tûrin ṭanpui rawh

• Video-te chu chhuah la, zawhna pêksate hmangin sawihona nei ang che u

• Vawi khat zirah zirlai pakhat zêl zir zawh tum ang che

Rawngbâwlnaah miin a ngaihven leh ven loh hriat nân brochure pe hmasa phawt ang che. (“Tlawh Hmasak Bernaa Chatuanin I Hlim Thei! Tih Brochure Sem Chhuah Dân” tih bâwm chu en rawh.) Brochure in zir zawh hnua, i Bible zirpuiin zir zawm zêl a duh a nih chuan lehkhabu chu pe la, zirlai 04-nain zirpui ṭan ang che. Mi chu Min Zirtîr bu, a nih loh leh Pathian Hmangaihna buin i zirpui a nih chuan Chatuanin I Hlim Thei! tih lehkhabuin thlâk la, khawi aṭangin nge ṭan tûr tih chu nangmahin rêl thlu ang che.

BIBLE SAWIHONA NUAM TAK NEI ANG CHE! TIH VIDEO EN HNUAH, A HNUAIA ZAWHNATE HI CHHANG ANG CHE:

• Bible zirlai chuan lehkhabu thar aṭangin eng nge a zir ang?

• Engvângin nge he video hi Bible zirpui tharte i chhuahsak ang?

• Bible zirpui chu eng thiltumte nge insiam a, zawi zawia hlen tum tûra i fuih ang?—“Ṭhen Tin Atâna A Tum Ber leh Tih Tum Rawh” tih chart chu en rawh