Thinlung Thlenin

Pathian thuâwihna chu thinlung aṭanga lo chhuak a ni a. (Thuf. 3:1) Chuvângin, kan zirtîr hunah kan thu ngaithlatute thinlung thlen kan tum tûr a ni. Engtin nge?

I zirpui chu Bible thutakte zirtîr satliah mai lovin, a thuzirte’n a mi mal nun leh Jehova nêna an inlaichînna a nghawng theih dân hre thiam tûrin ṭanpui rawh. Bible tehnate’n Pathian hmangaihna, a ṭhatna, leh a felnate a târ lan dân hre thiam tûrin ṭanpui rawh. A thil zirte chungchânga a ngaih dân sawi chhuak thei tûra ṭanpui tûrin thiam takin zâwtnate zâwt la. A rilru put hmang ṭha lo, a nih loh leh a chîn dân ṭha lo a thlâkna aṭanga a nunin hma a sâwn dân tûr chhût thiam tûrin ṭanpui ang che. I zirpuiin thinlung leh tih tak zeta Jehova hmangaihna a nei tih i hmuh hunah, i hlimna a pung ang.

ZIRTIR SIAMNAAH THIAMNA TIHMASAWNIN HLIMNA HMU RAWH—THINLUNG THLENIN TIH CHANCHAWP VIDEO EN HNUAH, A HNUAIA ZAWHNATE HI CHHANG ANG CHE:

• 

  Engvângin nge Neeta-i’n Jade-i hnênah, Thawhṭana an thu zirte a ngaihtuah zawm leh zawm loh a zawh?

• 

  Engtin nge Neeta-i’n Jade-i chu Jehova’n amah a hmangaihna leh Bible tehnate thlun zawm tûra a ṭanpui?

• 

  Engtin nge Neeta-i chuan Jade-i chu Pathian a hmangaihna a lantîr theih dân ngaihtuah tûra a ṭanpui?