Phûr Taka Zirtîrin

Phûrna hi a inkaichhâwn theih a. Kan thu ngaithlatute ngaihvenna a la thei a ni. Kan thuchah ken kan ngaihhlutna pawh a târ lang bawk. Kan hnam dân, a nih loh leh kan mizia chu eng pawh ni se, phûrna hi kan nei chho thei a ni. (Rom 12:11) Engtin nge?

Pakhatna, i thuchah ken a pawimawhzia chu ngaihtuah rawh. “Thil ṭha chanchin lâwmawm” puan chhuah theihna chanvo hlu tak i nei. (Rom 10:15) Pahnihna, chanchin ṭhain i thu ngaithlatute chunga nghawng ṭha a neih theihte chu chhût ngun rawh. I thusawi tûrte chu an hriat ngei a ngai a ni. (Rom 10:13, 14) A tâwp berah chuan, zaizir dân pângngai tak hmangin leh i hmêl aṭanga tih tak zetna lantîrin, ṭhahnemngai takin sawi ang che.

ZIRTIR SIAMNAAH THIAMNA TIHMASAWNIN HLIMNA HMU RAWH—PHUR TAKA ZIRTIRIN TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Engin nge Neeta-i chu a Bible zirpui Jade-i chunga a phûrna tikiam?

• 

  Engin nge Neeta-i chu phûrna nei leh tûra ṭanpui?

• 

  Engvângin nge kan thu ngaithlatute mize ṭhate chu kan ngaihtuah tlat ang?

• Kan phûrna chuan kan Bible zirpuite leh mi dangte chungah eng nghawng nge a neih mai theih?