‘Ni Hnuhnûng’ Hun Hmâwr Tawh Takah Hian Inrâlring Rengin Awm Zêl Rawh

‘Ni hnuhnûng’ hun hmâwr tawh taka harsatnate kan tawh lai hian buainate chu a pun chhoh zêl kan beisei a. (2 Tim. 3:1; Mt. 24:8 ṭanchhan nwtsty study note) Leilung chhiatnate a lo thlen hian Jehova mite chuan a hun takah nun chhanhim thei kaihhruaina an dawng ṭhîn a. Nakina kan dam khawchhuahna chu tûna thlarau lam leh tisa lama thuâwih taka kan lo inbuatsaihnaah a innghat thei a ni.—Lk. 16:10.

• Thlarau lamah inrâlring rawh: Hun duan ṭha tak insiam la. Rawngbâwl dân kawng hrang hrang zir ang che. Kohhrana mi dangte nên in awmho thei lo a nih pawhin chiai suh. (Is. 30:15) Jehova leh Isua hnên aṭanga lâk hran theih i ni lo.—od 176 ¶15-17

• Tisa lamah inrâlring rawh: Rîkrum thila tlân chhuahpui nghâl theih tûr thil pawimawh zualte dahna bag-te bâkah, khawi emaw laia hun engemawti chhûng riahchhuah a ngaih hun atân chhûngkaw tinte chuan a inâwm tâwk ei leh in tûr te, tui thianghlim te, damdawi te, leh chutiang thilte chu an kawl ṭheuh tûr a ni.—Thuf. 22:3; g17.5-E 4, 6

LEILUNG CHHIATNA ATAN I INBUATSAIH TAWH EM? TIH VIDEO EN HNUAH, A HNUAIA ZAWHNATE HI CHHANG ANG CHE:

• 

  Chhiatna a lo thlen hun atân engtin nge thlarau lamah kan inbuatsaih theih ang?

• 

  Engvângin nge . . .

  • upate nêna inbiak pawhna ṭha kan neih reng a ngaih?

  • rîkrum thila mamawh tûrte buatsaih lâwk a ngaih?

  • chhiatna lo thleng theite leh chûng dinhmuna tih theih tûrte ngaihtuah lâwk a ngaih?

• 

  Mi dangte’n chhiatna an tawh huna kan ṭanpui theih dân kawng thum chu engte nge ni?

HETI HIAN INZAWT RAWH, ‘COVID-19 hripui lêng aṭang hian inbuatsaihna chungchângah eng nge ka zir theih?’