Tualchhûng Buaina Hmachhawn Tûrin I Inbuatsaih Tawh Em?

He kalhmang tâwpna a hnaih zêl rual hian tualchhûng buaina te, firfiaka chêtna te, leh indona te chu a pun zêl kan beisei a. (Thup. 6:4) Engtin nge harsatna lo thleng tûrte atân kan inbuatsaih theih ang?

• Thlarau lamah inbuatsaih rawh: Bible thu bulte leh Jehova leh a inawpna pâwl i rinna tinghet theitu thilthlengte leh tualdâwihna vawng reng tûra ṭanpui theitu che hre rawh. (Thuf. 12:5; jr-E 125-126 ¶23-24) Tûn hi kohhran chhûnga inṭhianna nghet siam hun a ni.—1 Pet. 4:7, 8

• Tisa lamah inbuatsaih rawh: I in i chhuahsan thei lo a nih chuan him taka awm theih dân leh ei leh in a âwm tâwk dah khâwl tûrin ruahmanna siam la. Chu bâkah, i in chhuahsan a ngaih huna i tih tûr ruahmanna siam lâwk bawk rawh. Rîkrum thila i ken chhuah tûr i bag-a awmte chu enfiah la, i mi mal mamawhte bâkah, sum leh pai dah tel ang che. Upate biak pawh dân tûr hria la, biak pawh dân tûr che an hria em tih chian bawk rawh.—Is. 32:2; g17.5-E 3-7

Buaina a thlen laiin thlarau lam hun duan nei chhun zawm zêl ang che. (Phil. 1:10, 11) A ṭûl hle a nih loh chuan hmun dangah insawn suh. (Mt. 10:16) Ei tûr leh thil dangte chu mi dangte pe ve ang che.—Rom 12:13.

LEILUNG CHHIATNA ATAN I INBUATSAIH TAWH EM? TIH VIDEO EN HNUAH, A HNUAIA ZAWHNATE HI CHHANG ANG CHE:

• Engtin nge leilung chhiatna thlen laiin Jehova’n min ṭanpui theih?

• Inbuatsaih tûrin eng thil ṭangkai takte nge kan tih theih?

• Engtin nge leilung chhiatna tuarte kan ṭanpui theih?