Rawngbawlnaa Thiamna Tihhmasawn Dan​—Mitdelte Hnêna Thu Hrilin

A PAWIMAWH CHHAN: Mitdel tam tak chuan hmêlhriat lohte nêna inbiak chu nuam an ti lo va. Chuvângin, an hnêna thu hril thei tûr chuan thiamna neih a ngai a ni. Jehova chuan mitdelte chungah ngaihsakna a lantîr a. (Lev. 19:14) Mitdelte thlarau lama ṭanpui tûra hma lain a entawn tûr siam chu kan zui thei a ni.

A TIH DAN TUR:

• Mitdelte “zawng chhuak” rawh. (Mt. 10:11) Chhûngkhat mitdel nei hriat i nei em? In rawngbâwlna bialah mitdelte tâna thu leh hla chhuahte duh tûr âwm school emaw, damdawi in emaw, a nih loh leh hmun dang emaw a awm em?

• Mi mal ngaihsakna lantîr rawh. Nêlawmna leh ngaihsakna i lantîr chuan mitdel chuan i bula awm nuam a ti ang. Tualchhûng mite ngaihven tûr thu thlangin inbiakna ṭan tum rawh

• Thlarau lam ṭanpuina pe rawh. Mitdelte leh khaw hmuh fiah lote ṭanpui nân inawpna pâwl chuan kawng hrang hrangin thu leh hla a tichhuak a. A hnênah engtianga zir nge a duh tih zâwt rawh. Service overseer chuan mitdelin a duh zâwnga thu leh hla chhuah a hmuh theih nân thu leh hla chhuah enkawltuin dîlna a siam em tih a chian tûr a ni