Mahnia Inzirna Hlâwk Lehzual Nei Rawh

A PAWIMAWH CHHAN: Pathian Thu mahnia inzirna neihna chuan thutak ‘zauzia te, seizia te, sânzia te, thûkzia te hre chiang thei’ tûrin min ṭanpui a. (Eph. 3:14-19) Chu bâkah, khawvêl suaksual kâra sawisêl bo leh bawlhhlawh kai lo ni tûra min ṭanpui bâkah, “nunna thu chu vuan zêl” tûrin min ṭanpui bawk a ni. (Phil. 2:14-16, C.L. Re-edited) Pathian Thu inzirna kan neih hunah, mahni mamawh dân azirin zir tûr chu kan thlang thei a. Bible chhiar leh zirna hlâwkpui lehzual tûrin eng nge kan tih theih?

A TIH DAN TUR:

• Mahnia inzir nâna i hman Bible chu, a bu a ni emaw, tablet leh phone aṭangin emaw pawh ni se, chutah chuan rînin, chhinchhiahnate ziak rawh

• Pathian Thu i chhiar hunah hêng zawhnate hi inzâwt rawh: ‘Tu nge? Eng nge? Eng hunah nge? Khawiah nge? Engvângin nge? Engtin nge?’ tiin.

• A nihna hre rawh. Zir bingna hmanrua kan neih chu hmangin, a thu emaw, a Bible châng emaw aṭangin zawng rawh

• I thu chhiarte i nunpui theih dân tûr i hriat theih nân chhût ngun rawh

• I thu zirte chu i nî tin nunah nunpui rawh.—Lk. 6:47, 48

NGHET TAKIN “VUAN” RAWH—MAHNIA INZIRNA ṬHA TAK NEIIN, TIH VIDEO EN HNUAH A HNUAIA ZAWHNATE HI CHHANG ANG CHE:

• Mi ṭhenkhatin mahnia inzirna chungchângah eng nge an sawi?

• Engvângin nge mahnia inzirna kan neih dâwn apiangin kan ṭawngṭai ang?

• Bible châng pakhat hre thiam lehzual tûrin engin nge min ṭanpui thei?

• Kan inzirna Bible-ah eng ang chhinchhiahnate nge kan dah ang?

• Pathian Thu kan zir hunah engvângin nge chhût ngunna neih chu a pawimawh êm êm?

• Kan thu zirte chu engtin nge kan tih ang?