Rawngbawlnaa Thiamna Tihhmasawn Dan​—“Duhna Rilru Dik Tak” Neite Chu Zirtîr Ni Tûra Ṭanpuiin

A PAWIMAWH CHHAN: Jehova chuan “chatuana nun duhna rilru dik tak neite” thinlungah thutak chî chu a ṭhan chhohtîr a. (Tirh.13:48, NW; 1 Kor. 3:7) Kan rawngbâwlnaa an thu zir leh hriat chhâng lêttute ngaihsakna hmangin Jehova chu kan thawhpui a ni. (1 Kor. 9:26) Kan Bible zirpuite chuan Kristian baptisma chu chhandamna hmuh nâna thil ṭûl a ni tih an hriat a ngai a. (1 Pet. 3:21) Anni chu an nun thlâk danglam tûr te, thu hrilh leh zirtîrnaa tel tûr te, leh Jehova hnêna inpumpêk tûrtea zirtîrin Isua zirtîrte rawn ni tûrin kan ṭanpui a ni.—Mt. 28:19, 20.

A TIH DAN TUR:

• I zirpuite hnênah Bible zirnain a tum ber chu Jehova “hriat” leh amah tihlâwm a ni tih chu hriatnawntîr rawh.—Joh. 17:3

• Thil chîn ṭha lo leh rinhlelhkai ṭhian kawmna ang chi an hmasâwnna tûr dâltute hneha thlarau lama hmasâwn tûrin ṭanpui rawh

• Baptisma an chan hma leh an chan hnuah pawh tichakin, fuih zawm zêl rawh.—Tirh. 14:22

PATHIAN JEHOVA CHUAN A ṬANPUI ANG CHE TIH VIDEO CHU CHHUAH LA, A HNUAIA ZAWHNATE HI CHHANG ANG CHE:

• Eng hlauhnatein nge mi chu inpumpêka baptisma chang ngam lo tûra siam thei?

• Engtin nge upate chuan Bible zirpuite chu thlarau lama hmasâwn tûra an ṭanpui theih?

• Isaia 41:10 chuan Jehova chungchâng eng nge min zirtîr?

• Eng miziate’n nge ṭha famkim lo chung pawha pawm tlâka Jehova rawng min bâwltîr thei?