Baptisma channa lamtluang chu khawi chen nge i zawh tawh?
KRISTIANTE ANGIN NUNG RAWH
Jehova Rawngbâwl Thlang Rawh
Kristian ṭhalai, a nih loh leh Bible zirlai i nih chuan, baptisma chan tumna i nei em? Engvângin nge baptisma i chan ang? I inpumpêkna leh baptisma channa chuan Pathian Jehova nêna inlaichînna danglam bîk tak a pe che a. (Sâm 91:1) Chhandamna a thlen thei bawk che a ni. (1 Pet. 3:21) Engtin nge hmasâwn tûrin hêng rahbite hi i rah theih?
Hei hi thutak a ni tih nangmah ngeiin chian rawh. I zawhna neih eng pawh chhâng tûrin mi mala zir bingna nei rawh. (Rom 12:2) Inthlâk danglam i ngaihna lai chu hria la, Jehova tihlâwm i duhnain chutianga inthlâk danglam tûr chuan chêttîr che rawh se. (Thuf. 27:11; Eph. 4:23, 24) A ṭanpuina dîlin ṭawngṭai ziah rawh. Jehova’n a tichak chein, a thlarau thianghlim thiltithei tak hmangin a ṭanpui ang che tih ring tlat rawh. (1 Pet. 5:10, 11) Chutianga thawhrim chu a manhla hle. Jehova rawngbâwl hi nun kawng ṭha ber a ni si a!—Sâm 16:11.
BAPTISMA CHANNA LAMTLUANG, TIH VIDEO EN HNUAH A HNUAIA ZAWHNATE HI CHHANG ANG CHE:
Baptisma chang tûrin mi ṭhenkhatin eng harsatnate nge an pal tlang?
Jehova hnêna inpumpêk tûra neih ngai rinna chu engtin nge i neih chhoh theih?
Baptisma chang thei tûra rahbite rap thei tûrin mi ṭhenkhat chu engin nge chêttîr?
Jehova rawngbâwl thlangtute’n eng malsâwmnate nge an dawn?
Inpumpêkna leh baptisma channa chuan eng awmzia nge a neih?