Rawngbâwlnaa Thiamna Tihhmasâwn Dân—Thu Hrilhna Min Neihtîr Thei Inbiak Ṭanna Neiin

Isua chuan Samari hmeichhia a biak ṭan avângin a hnênah tawnchawpin thu a hril thei a. Engtin nge hmêl hriat lohte biak ṭanna kawngah hma kan sâwn theih ang?

• Nêlawm takin mite bia ang che. Isua chuan hah hle mah se, tui in tûr dîlin inbiakna a ṭan a. Chuvângin, nang pawhin nêlawm taka i chibai hnuah sik leh sa awm dân te, a nih loh leh tûn hnaia thilthleng chungchâng te chu i sawipui thei a ni. A tîra i tum ber chu inbiakna neihpui a ni tih hre rengin, a ngaihven tûr thu engemaw ber sawipui ang che. A chhân lêt loh che pawhin, a pawina a awm lo. Mi dang biak tum leh rawh. Jehova hnênah huaisenna dîl ang che.—Neh. 2:4; Tirh. 4:29.

• Chanchin ṭha hrilh theihna hun remchâng zawng reng la; mahse, hmanhmawh suh. Pângngai takin inbiakna neihpui phawt rawh. Pathian thu lam i sawipui nghâl chuan, sawipui theih lova awmin inbiakna a titâwp daih pawh a ni thei. Thu i hrilh theih hmaa in inbiakna a tâwp a nih pawhin lunghnual suh. Chanchin ṭha hmêlhriattîr nghâl i tîm a nih chuan, thu hrilh tum si lovin, mi biak ṭan dân zir ang che. [Video 1-na chu chhuah la, sawipui ang che]

• Thu ngaithlatuin hriat belh châkna a neih theih nân, i rinna chungchâng rilru tih tak zeta sawi chhuakin, thu hrilh theihna hun remchâng siam tum rawh. Isua chuan thu ngaihvenawm tak a sawi a, chu chuan Samari hmechhia chu zawhnate zâwt tûrin a chêttîr a. Hmeichhe zawhnate a chhânna lamah chanchin ṭha chu a lo hmêlhriattîr der tawh a lo ni. [Video 2-na chhuah la, sawipui ang che, tichuan video 3-na chhuah leh rawh.]