Mi Zui Rawh—Engtin Nge Kan Zui Ang?

9:62

Lei lettu chuan ngîl taka lei let thei tûr chuan a hnunga thil awmte en tûrin a lehhawi tûr a ni lo. Chutiang bawkin, Kristian chu a kalsan tâk khawvêla thil awmte en tûrin a lehhawi tûr a ni lo.—Phil. 3:13.

Harsatnate kan tawh hian, ‘tûn hmaa nun nuam tak kan hmante,’ thutak kan hriat hma nun emaw chu ngaih mai a awl hle. Tûn hma nun kan ngaihtuah hian kan hlimnate sawi pungin, kan buaina tawhte kan hre chang tawh ṭhîn lo. Israel mite’n Aigupta an chhuansan hnu lawkah chutiang chuan tûn hma nun an ngai a ni. (Num. 11:5, 6) Chutiangin hun kal tawhte kan ngaih chuan, kan tûn hma nunah lêt leh tûrin thlêm kan ni thei a. Tûna kan dawn malsâwmnate leh Lalram rorêlna hnuaia kan dawn tûr hlimnate ngaihtuah chu a va ṭha zâwk tak em!—2 Kor. 4:16- 18.