Rinna Tichak Thei Tak Inlârna

9:1-7

Hmêl danglamna tlânga inlârnaah vân aṭanga a Pain a aw ngeia a pawmzia a sawi laia Isua lâwm dân tûr chu han mittthla teh. Hei hian a hrehawm tawrh tûrah a tichak ang tih chu rinhlelh rual a ni lo. Chutiang bawkin, inlârna chuan Petera te, Jakoba te, leh Johana te hnênah Isua chu Messia a ni tih a hriattîr bâkah, a thu an ngaithla tûr a ni tih a rinnghehtîr bawk a ni. Petera chuan a hnu kum 32-ah pawh chutih hun laia a thiltawn leh a tâna ‘hrilh lâwkna thu’ a rinna a tihngheh dânte chu a hre chhuak leh a ni.—2 Pet. 1:16-19.

Chu inlârna ropui tak chu hmu lo mah ila, a thlen famkimna chu kan hmu a. Tûnah chuan, Isua’n Lal thiltithei tak niin ro a rêl tawh a ni. Nakin lawkah chuan ‘a hneh’ famkim ang a, felna khawvêl thar a rawn thlentîr ang.—Thu Puan 6:2.

Bible hrilh lâwkna thlen famkimna i hmuhna chuan engtin nge i rinna a tihchak?