Pathian Zirtîrnain Inpâwng Huatna A Hneh

Jehova chuan mi duhsak bîk a nei lo va. (Tirh. 10:34, 35) “Hnam tin zînga mi te, chi tin zînga mi te, mi tin zînga mi te, ṭawng tin zînga mi te,” chu a pawm a ni. (Thup. 7:9) Chuvângin, Kristian kohhranah inpâwng huatna leh thleibîk neihna atân hmun a awm lo. (Jak. 2:1-4) Pathian zirtîrna zârah mihring miziate thlâk danglam tawhna hmun thlarau lam paradis-a kan awm avângin kan lâwm hle a. (Is. 11:6-9) Kan thinlunga hnam huatna kan neih engpawh paihbo tûra theih tâwp kan chhuah hian Pathian entawntute kan nihzia kan târ lang a ni.—Eph. 5:1, 2.

JOHNY-A LEH GIDEON-A: HMELMA NI ṬHIN TUNA UNAU NI TA TIH VIDEO CHU EN LA. TICHUAN A HNUAIA ZAWHNATE HI CHHANG ANG CHE:

• Engvângin nge Pathian zirtîrna chu inthliar hranna leh inpâwng huatna nuai bo tûra mihringte ṭan lâkna aia a hlawhtlin zâwk?

• Khawvêl pumpuia kan inunauna chungchângah engin nge i rilru hneh deuh ber?

• Kristian inpumkhatna kan vawn tlat hian, engtin nge Jehova chawimawi a nih?