Inkhâwmpui Sâwmna Campaign

Kum tin hian, kan regional inkhâwmpuia thlarau lam ruai kîl hlân chu kan nghâkhlel hle a. Chu chu mi dangte pawhin Jehova ṭhatna an tem ve theih nân, kan ruala rawn tel ve tûrin mi tinte chu kan sâwm ang. (Sâm 34:8) Kohhran tina upate chuan sâwmna hman ṭhat theih ber dân tûrah thu tlûkna an siam ang.

RILRUA VAWN RENG TUR THUTE

• Eng nîah nge kan inkhâwmpui?

• Eng nîah nge tualchhûnga campaign kan ṭan ang?

• Tualchhûng thlawhhma rawngbâwlna atâna inhmuhkhâwmnate chu eng huna neih tûr nge ni?

• Eng nge campaign-naa kan tum ber chu?

• Tute nge sâwm ka tum?

ENG NGE KAN SAWI ANG?

Pângngai taka chibai kan bûk hnuah, heti hian kan sawi thei ang:

“Thilthleng pawimawh tak atâna khawvêl huapa he sâwmna semna campaign-ah hian kan tel a. He sâwmnaah hian a ni, a hun, leh a hmun te chu târ lan a ni. Kan ruala i rawn tel ve chuan kan lâwm hle ang.”

ENGTIN NGE TUINA NEITE KAN BAWHZUI THEIH?

Inkhâwmpuiah mi a tam thei ang berte sâwm chu duh mah la, tuina lantîr tute chu bawhzui tûrin kan harh vâng tûr a ni.

Chawlhkâr tâwpah chuan, sâwmna rualin magazine pawh i sem thei ang.