Bible-in Eng Nge A Sawi?
Leiah hian rorêl dikna a awm thei ngai ang em?
Engtin nge i sawi ang?
Thei
Thei lo
Thei mai thei
Bible sawi dân chuan
“LALPA chuan hrehawm tuarte chu an thu-ah a ṭan ang tih ka hria, pachhiate chu an tâna âwm rêngah nên.” (Sâm 140:12) Pathian Ram chuan leiah rorêl dikna a awmtîr ang.
Bible aṭangin eng nge kan zir belh theih?
Pathianin khawvêla rorêl dik lohna awm mêk hi a hmu reng a, a siam ṭha ngei ang. —Thuhriltu 5:8.
Pathian rorêlna chuan leiah remna leh muanna a thlen ang.—Isaia 32:16-18.
Pathianin mi ṭhenkhat chu mi dangte aiin a duhsak bîk em?
Mi ṭhenkhat chuan Pathianin mi tute emaw chu mal a sâwm emaw, ânchhia a lawh emaw nia an ngaih laiin, mi dangte erawh chuan Pathianin mi zawng zawng chu ang khata dâwr niin an ngai a. Eng nge i ngaih ve dân?
Bible sawi dân chuan
“Pathianin mi duhsak bîk a nei lo . . . , nimahsela hnam tin zîngah tupawh amah ṭiha fel taka ti apiang a lâwmzâwng mi an ni ṭhîn.” (Tirhkohte 10:34, 35) Pathian chuan mi zawng zawng chu inang vekin a thlîr a ni.
Bible aṭangin eng nge kan zir belh theih?
Bible chuan “hnam tinrêng te, chi tinrêng te, ṭawng tinrêng te, mi tinrêng te” tâna “chanchin ṭha” a sawi a ni.—Thu Puan 14:6.