Bible–in Eng Nge A Sawi?
Pathianin ṭawngṭaina zawng zawng a chhâng vek em?
A CHHANNA CHU ENGTIN NGE I SAWI ANG? PATHIANIN . . .
Mi zawng zawngte ṭawngṭaina a chhâng
Mi ṭhenkhatte ṭawngṭaina chauh a chhâng
Tu ṭawngṭaina mah a chhâng lo
BIBLE SAWI DAN CHUAN
“LALPA chuan . . . a hnaih ṭhîn a, tih tak zeta amah kotu zawng zawngte chu.”—Sâm 145:18.
BIBLE AṬANGIN ENG NGE KAN ZIR BELH THEIH?
Pathian chuan a chunga helte ṭawngṭaina chu a ngaithla lo. (Isaia 1:15) Mahse, an kawngte thlâk danglamin amah nên an “ngaihtuah tlâng” thei a ni.—Isaia 1:18.
Pathian chhân tlâk ṭawngṭaina ni tûr chuan, Bible-a kan hmuh a thil phûtte nên a inmil tûr a ni.—1 Johana 5:14.
Awm dân bîk neia kan ṭawngṭai a ngai em?
MI ṬHENKHAT CHUAN ṭawngṭai hunah ṭhingṭhit emaw, kûn emaw, a nih loh leh kut suih tûr niin an ngai a. Nang, eng nge i ngaih ve dân?
BIBLE SAWI DAN CHUAN
Pathian chuan ‘ṭhu a’ ṭawngṭai te, ‘dinga’ ṭawngṭai te, “bawkkhupa” ṭawngṭaite leh ‘ṭhingṭhia’ ṭawngṭaite chu a pawm a. (1 Chronicles 17:16; 2 Chronicles 30:27; Ezra 10:1; Tirhkohte 9:40) Ani chuan kan ṭawngṭai hian awm dân tûr bîk nei tûrin min phût lo.
BIBLE AṬANGIN ENG NGE KAN ZIR BELH THEIH?
Pathian chuan mi inngaitlâwmte ṭawngṭai chu a ngaithla a ni.—Sâm 138:6.
Eng ṭawng pawhin, a nih loh leh a ri chhuak lo pawhin i ṭawngṭai thei a ni.—2 Chronicles 6:32, 33; Nehemia 2:1-6. (wp16.06-E)