Beiseina Hring Chhuaktu Buaina

“Ni hnuhnûngahte chuan hun khirh takte a lo awm ang.”—2 TIMOTHEA 3:1.

HENG a hnuaia thilthleng lungchhiatthlâk takte zînga a engemaw ber hi i hria emaw, i tawng emaw tawh ngai em?

● Natna hlauhawm tak avângin mi tam takin nun an chân.

● Ṭâm avângin mi tam tak an thi.

● Lîrnghîng avângin mi sâng têlin nun an chân a, chu aia tamin in leh lo an chân.

A dawta thuziakahte chuan, ngaihtuahna thui tak min neihtîr thei hetiang chi thilthleng ṭhenkhat i hmu ang a. Tin, Bible-in chutiang dinhmunte chu ‘ni hnuhnûnga’ thleng tûr angin a sawi lâwk tih pawh i hmu bawk ang.

Mahse, hêng thuziakte tum ber chu buaina khawvêla chêng kan nihzia rintîr ngawr ngawr che hi a ni lo. Nangmah ngeiin he khawvêl buainate i hmu reng si a. A tum ber chu beiseina pêk che hi a ni zâwk. Thuziak kan hmuh tûrte chuan hrilh lâwkna parukte thlen famkimna chu ‘ni hnuhnûngte’ a tâwp ṭêp tawh tih hriltu a nihzia a târ lang ang a. Tin, ni hnuhnûng finfiahna hnial kalhna tlângpui ṭhenkhat a târ lan bâkah, kan hma lawkah thil ṭha zâwk engemaw a lo thleng dâwn tih kan rin theih chhan ṭha tak min pe bawk ang. (w11-E 05/01)