Zanriah Hnuhnûng—Eng Nge A Nih?

ZANRIAH HNUHNUNG kan tih hi eng nge ni a, chu chuan kum zabi 21-naa mite tân hian eng awmzia nge a neih? Encyclopedia leh dictionary-te chuan Zanriah Hnuhnung, Lalpa Zanriah tia sawi bawk chu inthawina atâna a thih hma tlaia a zirtîrte nêna Isua Krista chawhlui kîl hi a ni tih a hrilh ang che. Chu chu Isua’n a hnungzuitu rinawmte zanriah a kîlpuina hnuhnûng ber a nih avângin Zanriah Hnuhnûng tia koh a ni ṭhîn. Tin, Lalpa Isua Krista bul lo ṭan a nih avâgin, Lalpa Zanriah tia koh pawh chu a inhmeh hle bawk.

Kum zabi kalta zawng zawngte khân, mi tam tak chuan hlu nia an ngaih thu bul leh thiltumte atân an nun an pe a. Hêng mite thihna ṭhenkhat hi mi ṭhenkhatte’n hun engemawti chhûng chu an hlâwkpui a. Mahse, Isua thihna nêna khaikhin chuan, chûng nun pea thihnate chu eng anga fakawm pawh ni se, Isua Krista thihna ang tlukin a pawimawh thei lo hulhual a ni. Chu bâkah, he buainaa khat mihringte chanchina thihna hian nghawng thui tak a nei thei lo a ni. Engvâng nge?

He mi zawhna chhâng tûr leh Lalpa Zanriahin i tâna awmzia a neih i hriat theih nân, a dawtleha thuziak hi chhiar tûrin kan sâwm che a ni. (w03 4/1)