Chatuanin I Hlim Thei! Hmanga Bible Zirna Kaihhruai Dân

Zirna ṭan hmain

1. 

   1.Ṭha takin inbuatsaih rawh. I inbuatsaih laiin, i Bible zirpui mamawh te, dinhmun te, leh thlîr dânte chu ngaihtuah la. A thu zirte hre thiam tûra ṭanpui a ngaihna lai, a nih loh leh a nunpui theih tûr thu pawimawh laite chu telh tum ang che. “Hriat Belh Nân,” tih section-a târ lan thute’n i Bible zirpui a ṭanpui theih dânte chu ngaihtuah la, zirna in neih chhûngin a ṭûl dân azirin hmang ang che.

Zirna neih chhûngin

1. 2.I Bible zirpuiin a duh lo a nih loh chuan, ṭannaah leh tihtâwpnaah ṭawngṭaina nei ang che.

2. 

   3.Ṭawng tam lutuk lo tûrin fîmkhur la. Zirlaia tel thute chauh ngaihven la, i Bible zirpui chu ir-âwm chhuakin chhântîr ang che.

3. 4.Ṭhen (section) dang in kai apiangin, chu section-in a tum ber tlar chu chhiar la, zirlai thupuite zînga a ṭhen a zâr chu târ lang rawh.

4. 5.Ṭhen khat (section) in zir zawh apiangin, i Bible zirpui chu a thu zirte a hriat reng theih nân ṭhen (section) ennawnna chu hmang ṭhîn ang che.

5. 6.Zirlai tin chu i Bible zirpui nêna in zir hunah:

   1. Thuziakte chu chhiar ang che.

   2. “Chhiar rawh,” tih Bible châng zawng zawng chu chhiar ang che.

   3. A ṭûl dân azirin, Bible châng dangte pawh chhiar ang che.

   4. 

      “Chhuah la,” tih video zawng zawng chu chhuah vek ang che. (Chhuah theiha a awm phawt chuan)

   5. I Bible zirpui chu zawhna awm apiang zâwt ang che.

   6. I Bible zirpui chu “Zir Belhin Hmuh Belh Rawh,” tih section-a milem awmte chu entîr la, a chhân tûr zawhnate siam ang che.

   7. I Bible zirpui chu thlarau lama a hmasâwnnate a chhinchhiah theih nân, “Tih tum rawh,” tih bâwm chu hmang ang che. Bâwm chhûnga târ lan sa thiltum pakhatna tih tum tûrin emaw, thiltum dangte insiam tûrin emaw, a nih loh leh a pahniha tih tum tûrin fuih ang che.

   8. I Bible zirpui chu zirlai tâna a inbuatsaih laiin, “Hriat Belh Nân,” tih section hnuaia thuziakte leh video-te zînga ṭha tih zâwngte a neih leh neih loh zâwt ang che.

   9. Ṭum khatah zirlai pakhat zêl zir zawh tum ang che.

Zir zawh hnuah

1. 

   7.I Bible zirpui chungchâng ngaihtuah chhunzawm la. A hmasâwnnate malsâwm tûr leh amah ṭanpui dân hre tûra finna pe tûr chein Jehova hnênah ṭawngṭai ang che.