Palaite Hriattîrna

ATTENDANT-TE Anni hi nangmah ṭanpui tûr chea ruat an ni a. Chuvângin, lîrthei dahna te, mipui kal dân tûr te, ṭhutna tûr te, leh thil dang dangte chungchânga an kaihhruainate chu khawngaih takin zâwm ang che.

BAPTISMA Hriattîrna dang a awm loh chuan, inkhâwmpuina in chhûng stage hma tlar hmasa lam chu baptisma chang tûrte ṭhutna atâna hauh a ni ang. Baptisma chang tûrte chu Inrinni chawhma lam baptisma channa thusawi hmain an ṭhu vek tûr a ni a. Inhrûkpuan leh inbual thuamhnaw mawihnai an keng ṭheuh tûr a ni.

THAWHLAWM Mite’n inkhâwpui nuam taka an hman theih nân leh Pathian Jehova hnaih lehzual tûra ṭanpui nân ṭhutna te, aurinna te, leh thil ṭûl dang tam takte chu buatsaih a ni a; hêng atân hian sum tam tak sên a ni. Phal taka in thawhlâwm thawhte chuan chûng sênsote a phuhhrûk bâkah, khawvêl puma rawngbâwlna pawh a ṭanpui bawk. In tâna hmuh a awlsam nân, thawhlâwm bâwmte chu fiah taka ziakin inkhâwpuina hmunah dah deuh thluah a ni a. donate.jw.org tlawhin online aṭang pawhin thawhlâwm a thawh theih bawk. In thawhlâwm thawh zawng zawngte avângin kan lâwm a. Lalram atâna in thilphalna avângin Governing Body chuan lâwmthu a hrilh che u a ni.

FIRST AID Hei hi rîkrûm thil atân chauh a ni tih hre reng an che u.

HLOH LEH CHHAR Thil chhar rêng rêng chu he Department-ah hian dah zêl tûr a ni a. Eng thil pawh i hloh chuan he department-ah hian kal la, i thil awm dân sawifiahin va lam ang che. Nu leh pate nêna inhloh va, kawngbo naupang an awm a nih pawhin he department-ah tho hian hruai tûr a ni. Amaherawhchu, ṭûl lo taka tihbuai an nih loh nân, khawngaih takin i fate chu ngaihsak la, awmpui tlat ang che.

ṬHUTNA Khawngaih takin, mi dangte ngaihtuahna lantîr ang che. Ṭhutna chu motor-a i chuanpuite emaw, i chhûngkaw zînga mi emaw, a nih loh leh i Bible zirpuite emaw tân chauh hauhsak theih a ni tih hre reng ang che. I hauh loh ṭhutnaah chuan khawngaihin thil engmah dah suh.

TLAWMNGAI PAWL Inkhâwmpui buatsaihna kawng a engemaw bera tlâwmngaia ṭanpui i duh chuan, khawngaihin he Department-ah hian hriattîr ang che.

SPECIAL INKHAWM

Lalram Chanchin Puangtute School Chawlhni chawhnu lamah chuan an rawngbâwlna tihzauh duhtu pioneer kum 23 aṭanga kum 65 inkârte chu Lalram Chanchin Puangtute School kal duhte kawmna inkhâwma tel tûra sâwm an ni. He inkhâwmna neihna tûr a hmuh leh hun tûr chu puan a ni ang.