ZIRLAI 16

Mi Tichak Thei Thu leh A Eng Zâwnga Thlîr

Joba 16:5

KHAIKHAWMNA: Buaina aiin a chinfelna lam leh ngaithlatute chêttîr thei tûr lam thute chu ngaihsak rawh.

Ngaithlatute chu a êng zâwngin thlîr rawh. I unaute chuan Jehova tihlâwm an duh tih ring tlat la, zilhna pêk a ngaih hunah pawh, a remchân phawt chuan thinlung takin fak hmasa ang che.

I thusawi chu thinrim vâng ni lovin, hmangaihnain a chhêttîr vânga sawi ni rawh se. Ngaithlatute nêna inzâwmna ṭha nei tûrin hlim hmêl hmuh ang che.
A chhe lam thute chu sawi tlêm rawh. I thusawia a chhe lam thute chu ṭangkaina a neih chin chauh sawi lang ang che. I thusawi chu a tlângpui thuin a êng lam a ni tûr a ni.
Pathian Thu hmang ṭangkai rawh. Jehova’n mihringte tâna a tihsak tawh te, a tih mêk te, leh a la tihsak tûrte chu ngaihventîr rawh. Ngaithlatute chu fuihin, tichak ang che.