ZIRLAI 7

Dik Tak leh Mi Hmin Thei Tak

Luka 1:3

KHAIKHAWMNA: Ngaithlatute’n thutâwp dik tak an siam theih nân rinchhan tlâk finfiahnate hmang rawh.

Rinchhan tlâk thu leh hlate chu râwn rawh. I thusawiah Pathian Thu ṭanchhan tlat la, a remchân apiangin chuta ṭangin chhiar ang che. Science lam thil te, chanchin thar te, thiltawn te, a nih loh leh thil dangte i hmang dâwn a nih chuan a rin tlâk leh tlâk loh bâkah chanchin thar ber a nih leh nih lohte fiah ang che.
I thu lâk chhuahte dik takin hmang rawh. Bible chângte chu a chhehvêl thu te, Bible bu pum thu te, leh “bawi rinawm, fing tak” tihchhuah thu leh hlate nên inmilin hmang ang che. (Mt. 24:45) Khawvêl lam lehkhabute chu atîra thuziak leh a ziaktu thiltum nêna inmilin hmang rawh.

Thilte nihna leh tam lam chu a nihna bâkin sawi suh. “Mi ṭhenkhat” tihna tûrah “mi a tam zâwkte,” “a chângin,” tihna tûrah “englai pawhin,” “a ni thei ang,” tihna tûrah “ni berin a lang,” tia sawi lo tûrin fîmkhur ang che.
Ngaithlatute chu finfiahnate chhûtpui rawh. Bible châng pakhat i chhiar zawhah leh ṭanchhan atân lehkhabu pakhat i hman hnuah, ngaithlatute’n mahnia thu tâwp an siam theih nân thiam takin zawhnate zâwt la, entîrna nên hrilhfiah ang che.