Palaite Hriattirna

SPECIAL INKHAWMTE

BETHEL-A RAWNGBAWLNA Thuchhuahtu baptisma chang tawh kum 35 leh a hnuai lam, Bethel-a rawngbâwl duhte chu Zirtâwpni chawhnua Bethel kal duhte kawmnaah an tel tûr a ni. Inkhâwmna hun leh hmun tûr chu puan a ni ang.

LALRAM CHANCHIN PUANGTUTE SCHOOL Chawlhni chawhmu lamah chuan an rawngbâwlna tihzauh duhtu pioneer kum 23 aṭanga kum 65 inkârte chu Lalram Chanchin Puangtute School kal duhte kawmna inkhâwma tel tûra sâwm an ni. He inkhâwm neihna tûr a hmun leh hun tûr chu puan a ni ang.

PALAITE HRIATTIRNA

ATTENDANT-TE Anni hi nangmah ṭanpui tûr chea ruat an ni a. Chuvângin, lîrthei dahna te, mipui enkawl te, ṭhutna hauh te, leh thil dang dangte chungchânga an kaihhruainate chu khawngaih takin zâwm ang che.

BAPTISMA Hriattîrna dang awm a nih nghâl loh chuan, inkhâwmpuina in chhûng stage hma tlar hmasa ber chu baptisma chang tûrte ṭhutna atâna hauh a ni ang. Baptisma chang tûrte chu Inrinni chawhma lam baptisma channa thusawi hmain an ṭhu vek tûr a ni a. Inhrûkpuan leh inbual thawmhnaw mawihnai an keng ṭheuh tûr a ni.

THAWHLAWM Mite’n inkhâwmpui nuam taka an hman theih nân leh Pathian Jehova hnaih lehzual tûra ṭanpui tûrin ṭhutna te, aurinna te, leh thil ṭûl dang tam tak te chu buatsaih a ni a; hêng atân hian sum tam tak sên a ni. Phal taka in thawhlâwm thawhte chuan chûng sênsote a phuhhrûk bâkah, khawvêl puma rawngbâwlna pawh a ṭanpui bawk. In tâna hmuh a awlsam nân thawhlâwm bâwmte chu fiah taka ziakin inkhâwmpuina hmunah dah deuh thluah a ni a. In thawhlâwm thawh zawng zawngte avângin kan lâwm a, Lalram atâna inthilphalna avângin Governing Body chuan lâwmthu a hrilh che u a ni.

FIRST AID Hei hi RIKRUM THIL ATAN CHAUH a ni tih hre reng ang che u.

HLOH LEH CHHAR Thil chhar rêng rêng chu he department-ah hian dah zêl tûr a ni a. Eng thil pawh i hloh chuan he department-ah hian kal la, i thil awm dân sawifiahin va lam ang che. Nu leh pate nêna inhloh va, kawngbo naupang an awm a nih pawhin he department-ah tho hian hruai tûr a ni. Amaherawhchu, he department hi naupang enkawlna hmun anga ngaih tûr a ni lo. Chuvângin, khawngaih takin i fate chu ngaihsak la, awmpui tlat ang che.

ṬHUTNA Khawngaih takin, mi dangte ngaihtuahna lantîr ang che. Chuvângin ṭhutna chu motor-a i chuanpuite emaw, i chhûngkaw zînga mi emaw, a nih loh leh i Bible zirpuite emaw tân chauh hauhsak theih a ni tih hre bawk ang che. I hauh loh ṭhutnaah chuan khawngaihin thil engmah dah suh.

TLAWMNGAI PAWL Inkhâwmpui buatsaihna kawng engkimah tlâwmngaia ṭanpui i duh chuan, khawngaihin he department-ah hian inhriattîr ang che.