Kan Sawm A Che

He brochure hmanga kan biak theih che avângin kan lawm hle mai. Jehova Thuhretute chanchin i zir belh tâkte kha i tuipui ngei kan beisei. Kan tualchhûng Kingdom Hall-a inkhâwm tûra kan sâwmna che hi khawngaih takin lo pawm ang che. Kan inkhâwm dân leh Krista Lalram awpna hnuaia lei paradis chanchin ṭha mi dangte hnêna hrilh tûra kan beih dânte pawh hi i rawn hmu ve dâwn nia.

Chu chu Pathianin min tiam a ni. “A thutiam ang chuan vân tharte leh lei thar, a chhûnga felna awmte chu kan beisei a ni,” tiin. (2 Petera 3:13) Kum zabi tam tak a liam tawh a. Nghah hun chhûng chu a tâwp lek lek tawh a ni. Chu chu khawvêl awmdân hian a hril a ni.

Tirhkoh Paula chuan: ‘Ni chu lo hnai telh telha in hriatin, hmangaih leh thil ṭha tiha inchawk tho tûrin inngaihtuah rawh u; ṭhenkhat tih dân anga kan inkhâwmte bânsan lovin,’ a ti a. (Hebrai 10:​24, 25) Kan zînga lo tel vena hmanga he Paula fuihna thu hi zâwm tûrin kan sâwm a che.