Thuhmahruai

Chhûngkaw Hlawhtlinna Thurûk 12

Chhûngkaw tam tak hlawhchham chhante kan hre ṭhîn a. A nih leh, engtin nge mi ṭhenkhatin chhûngkaw hlawhtling tak an neih theih?

•  Kum 1990 aṭanga kum 2015 chhûng khân, nupa inṭhenna chu kum 50 chung lamah a lêt hnihin a pung a, kum 65 chung lamah a lêt thumin a pung bawk.

•  Nu leh pate rilru a buai: Mi thiam ṭhenkhatin naupangte chu englai pawha fak ṭhîn tûra thurâwn an pêk laiin, a dangte chuan khauh taka kaihruai tûrin thurâwn an pe thung.

•  Ṭhalaite hi hlawhtling tûra an mamawh thiamnate nei lovin an puitling.

Mahse, a nihna takah chuan . . .

•  Inneihna hi a hlimawm theiin, dam chhûng daih a ni thei.

•  Nu leh pate chuan hmangaihna nei taka an fate enkawl dân an zir thei.

•  Ṭhalaite chuan an puitlin huna an mamawh tûr thiamnate an zir thei.

Engtin nge? Tûn ṭum chhuak Awake! magazine-ah hian chhûngkaw hlawhtlinna thurûk 12 sawiho a ni ang.