ZAWHNA 7-NA
Kan tûn lai hun chungchângah Bible-in eng nge a sawi lâwk?
“Hnam hrang leh hnam hrang an indo vang a, ram hrang leh ram hrang an indo vang . . . Chûng zawng zawng chu hrehawm inṭanna a ni ang.”
“Zâwlnei der tam tak lo chhuakin, mi tam tak an bum ang a. Suahsualna a pun zêl avângin mi tam zâwk hmangaihna a dai ang.”
“Indo thâwmte leh indo thuthangte in hriat hunah mangang suh ang che u, chûngte chu lo thleng tûr rêng a ni; nimahsela, tâwpna chu a la ni rih lo vang.”
“Lîr nasa takin a nghîng a nghîng ang a, hmun hrang hrangah ṭâmte a tla ang a, hrite a lêng bawk ang. Thil hlauhawm tak takte leh vânah chhinchhiahna râpthlâk tak takte a lo awm ang.”
“Ni hnuhnûngahte chuan hmachhawn harsa êm êm hun khirh takte a lo awm ang. Mite chu mahni inhmangaihtu te, sum ngainatu te, intivei te, chapo te, Pathian leh mihring sawichhetu te, nu leh pa thuâwih lo te, lâwm nachâng hre lo te, rinawm lo te, hmangaihna pianpui nei lo te, mi dangte nêna inrem duh lo te, sawichhetu te, insûm thei lo te, mi kawlhsen te, thil ṭha hawtu te, phatsantu te, mi luhlul te, chapo te, Pathian hmangaih aia mahni nuam tih zâwng hmangaih zâwktute an ni dâwn si, Pathian rawngbâwl angin an inchhâl a; nimahsela, an nunah an lantîr si lo.”