ZAWHNA 6-NA
Messia chungchângah Bible-in eng nge a sawi lâwk?
HRILH LAWKNA
“Nang Bethlehem Ephratha, . . . i lak aṭang hian Israelho rorêltu tûr chu ka tân a lo chhuak ang.”
Mika 5:2
THLEN FAMKIMNA
“Heroda lal laia Judai rama Bethlehem khuaa Isua a pian hnuin, khawchhak lam aṭangin Jerusalemah arsi hmanga aienthiamte an lo kal a.”
HRILH LAWKNA
“Ka silhfênte an insem a, ka kawr atân ṭhum an vâwr a.”
Sâm 22:18
THLEN FAMKIMNA
“Sipaite’n Isua bana an khenbeh zawh chuan a thawmhnaw an la a, hmun liah phelin . . . an insem a. Nimahsela, a silhfên chhûng zâwk chu ṭhui loh kawr, a nghâwng aṭanga a tlâng thlenga tah a ni. Tin, anni chuan: ‘Pawt thlêr lovin, a neitu tûr hriat nân ṭhum i vâwr ang u,’ an ti a.”
HRILH LAWKNA
“A ruh zawng zawng a vawng ṭha a, pakhat mah tihtliah a ni lo.”
Sâm 34:20
THLEN FAMKIMNA
“Isua bul an lo thlen chuan ani chu a thi tawh tih an hmu a, a kête chu an ti tliak ve lo va.”
HRILH LAWKNA
“Ani chu kan bawhchhiatnate avângin hliamin a awm.”
Isaia 53:5
THLEN FAMKIMNA
“Sipaite zînga pakhatin a nâkah feiin a chhun a, chu veleh thisen leh tui a lo chhuak ta nghâl a.”
HRILH LAWKNA
“Ka hlawh atân chêng sawmthum an bûk chhuak ta a.”
Zakaria 11:12, 13
THLEN FAMKIMNA
“Tichuan, Sâwm Pahnihte zînga pakhat Juda Iskariota chu puithiam lalte hnênah a kal a. An hnênah: ‘In man theih nân ani chu phatsan ta ila, eng nge min pêk ang?’ a ti a. Anni chuan tangkaraw pawisa 30 pêk an tiam a.”