Bible Thuchah

B.C.E. 4026 hnu lam

Pathian Jehova’n rorêl tûra dikna a neih leh a rorêl dân chungchângah “rûl” chuan rinhlelhna a chawk chhuak a. A hnuah Pathian Jehova chuan rûl, Setana lû ti keh sawmtu tûr “thlah,” a nih loh leh “chî” a lo chhuah tûr thu a tiam a ni. (Genesis 3:1-5, 15) Chutih rualin, Pathian Jehova chuan mihringte chu rûl thununna hnuaia mahnia ro an inrêl a phal a ni.

B.C.E.1943

Pathian Jehova chuan Abrahama hnênah thutiam “thlah” chu a thlahte zînga mi a nih tûr thu a hrilh.​—Genesis 22:18.

B.C.E. 1070 hnu lam

Pathian Jehova chuan Lal Davida leh a fapa Solomona hnênah thutiam “thlah” chu an chhûngkua aṭanga a lo chhuah tûr thu a tiam ve ve a ni.​—2 Samuela 7:12, 16; 1 Lalte 9:3-5; Isaia 9:6, 7.

C.E. 29

Pathian Jehova chuan Davida lalṭhutthlêng Rochungtu tûr thutiam “thlah” chu Isua a nih thu a puang.​—Galatia 3:16; Luka 1:31-​33; 3:21, 22.

C.E. 33

Rûl, Setana chuan Isua ti hlumin hun rei lo te chhûng thutiam “thlah” chu a ti silawng a. Jehova’n Isua chu vân nunna nei tûra kai thovin, a nun ṭha famkim hlutna chu a pawm a; chu bâkah, Isua thihna chuan sualte ngaihdam theihna leh Adama thlahte chatuana nun theihna a pe a ni.​—Genesis 3:15; Tirhkohte 2:32-​36; 1 Korinth 15:21, 22.

C.E. 1914 vêl

Isua’n rûlpui tar, Setana chu leiah paih thlain, chutah chuan rei lo tê chhûng a tântîr.​—Thu Puan 12:7-9, 12.

Hma lam hun

Isua chuan Setana chu kum 1,000 chhûng tântîrin, chumi hnuah a ti boral ang; chu chu, entîr neia a lû tih keh sawmna a ni. Lei leh mihringte tâna a tîra Jehova thiltum chu a thleng famkim ang a, a hming tih chhiatna chu nuai bo a ni ang a, a rorêl dân chu thiam chantîr a ni tawh ang.​—Thu Puan 20:1-3, 10; 21:3, 4.