ເຄັດລັບການຄົ້ນຄວ້າ
ໃຫ້ນຶກພາບເລື່ອງໃນຄຳພີໄບເບິນ
ຄຳພີໄບເບິນມີເລື່ອງຕ່າງໆທີ່ເປັນເຫດການຈິງເຊິ່ງສອນບົດຮຽນທີ່ສຳຄັນຫຼາຍຢ່າງໃຫ້ເຮົາ. ຖ້າເຮົາພະຍາຍາມນຶກພາບເລື່ອງເຫຼົ່ານີ້ ເຮົາກໍຈະເຂົ້າໃຈຫຼາຍຂຶ້ນໃນສິ່ງທີ່ອ່ານແລະໄດ້ຮັບປະໂຫຍດຫຼາຍຂຶ້ນຈາກເລື່ອງນັ້ນ. ການເຮັດສິ່ງຕໍ່ໄປນີ້ຈະຊ່ວຍເຈົ້າໃຫ້ນຶກພາບເລື່ອງໃນຄຳພີໄບເບິນໄດ້.
ອ່ານອອກສຽງ. ການອ່ານອອກສຽງສາມາດຊ່ວຍເຈົ້າໃຫ້ນຶກພາບເຫດການທີ່ກຳລັງເກີດຂຶ້ນໄດ້ແຈ້ງຂຶ້ນ. ເມື່ອອ່ານຄຳພີໄບເບິນນຳກັນເປັນຄອບຄົວ ເຈົ້າສາມາດເຮັດໃຫ້ເລື່ອງທີ່ອ່ານມີຊີວິດຊີວາຫຼາຍຂຶ້ນໂດຍໃຫ້ແຕ່ລະຄົນອ່ານເປັນຕົວລະຄອນຕ່າງໆ.
ນຶກພາບສາກເຫດການ. ໃຫ້ພະຍາຍາມນຶກພາບວ່າຄົນທີ່ຢູ່ໃນເລື່ອງນັ້ນຄິດແລະຮູ້ສຶກແນວໃດ. ຕົວຢ່າງເຊັ່ນ: ໃຫ້ຖາມໂຕເອງວ່າ: ‘ເປັນຫຍັງລາວຈຶ່ງເວົ້າແລະເຮັດແບບນັ້ນ?ຖ້າຂ້ອຍຢູ່ໃນສະຖານະການແບບນັ້ນ ຂ້ອຍຈະຄິດຫຼືຮູ້ສຶກແນວໃດ?’
ແຕ້ມຮູບ. ເຖິງວ່າເຈົ້າແຕ້ມຮູບບໍ່ເກັ່ງ ແຕ່ການແຕ້ມຮູບສາກເຫດການຕ່າງໆໃນຄຳພີໄບເບິນຈະຊ່ວຍເຈົ້າໃຫ້ເຫັນພາບແລະຈື່ເລື່ອງໄດ້ດີ.