ຊີວິດຄລິດສະຕຽນ
ໃຫ້ເຮັດຄືກັບໂຢເຊັບໂດຍໜີຈາກການເຮັດຜິດສິນລະທຳ
ໂຢເຊັບເປັນຕົວຢ່າງທີ່ດີໃຫ້ກັບເຮົາເມື່ອເຮົາຖືກລໍ້ໃຈໃຫ້ເຮັດຜິດສິນລະທຳ. ທຸກຄັ້ງທີ່ເມຍຂອງນາຍພະຍາຍາມຊັກຊວນໂຢເຊັບໃຫ້ມານອນນຳ ລາວກໍປະຕິເສດ. (ຕົ້ນ 39:7-10, ລ.ມ.) ລາວເວົ້າວ່າ: “ຈະໃຫ້ຂ້ອຍເຮັດເລື່ອງຊົ່ວໆແບບນີ້ໄດ້ແນວໃດ ມັນເປັນການເຮັດບາບຕໍ່ພະເຈົ້າ?” ນີ້ສະແດງວ່າໂຢເຊັບຄິດຄືກັບພະເຢໂຫວາວ່າ ຄົນທີ່ແຕ່ງດອງແລ້ວຈະມີເພດສຳພັນໄດ້ສະເພາະກັບຄູ່ຂອງຕົວເອງເທົ່ານັ້ນ. ສິ່ງນີ້ຊ່ວຍລາວໃຫ້ຮັບມືໄດ້ເມື່ອຕົກຢູ່ໃນສະຖານະການທີ່ອາດຖືກລໍ້ໃຈໃຫ້ເຮັດຜິດສິນລະທຳ. ແທນທີ່ລາວຈະຍັງຢູ່ບ່ອນນັ້ນ ແລະຍອມໃຫ້ຜູ້ຍິງກົດດັນລາວໃຫ້ເຮັດສິ່ງທີ່ບໍ່ຖືກຕ້ອງ ລາວໄດ້ແລ່ນໜີ.—ຕົ້ນ 39:12; 1ກຣ 6:18
ເບິ່ງວິດີໂອໜີຈາກການເຮັດຜິດສິນລະທຳ ແລ້ວຕອບຄຳຖາມຕໍ່ໄປນີ້:
ຈິນເຈິກັບສະຖານະການຫຍັງ?
ຈິນຖາມຕົວເອງແນວໃດ ເມື່ອມີຄະຢອງຂໍໃຫ້ລາວຊ່ວຍສອນແກ້ວຽກບ້ານວິຊາເລກ?
ຄຳຂໍຂອງມີຄະຢອງສົ່ງຜົນຕໍ່ຈິນແນວໃດ?
ຈິນໄດ້ຮັບຄວາມຊ່ວຍເຫຼືອແນວໃດ?
ຈິນໄດ້ເຮັດຫຍັງເພື່ອໜີຈາກການເຮັດຜິດສິນລະທຳ?
ເຈົ້າໄດ້ບົດຮຽນຫຍັງຈາກວິດີໂອເລື່ອງນີ້?