ຊີວິດຄລິດສະຕຽນ
ສິດທິພິເສດໃນການສ້າງແລະບຳລຸງຮັກສາສະຖານທີ່ນະມັດສະການແທ້
ການກໍ່ສ້າງວິຫານຂອງຊາວອິດສະລາແອນຕ້ອງໃຊ້ກຳລັງຄົນແລະຄ່າໃຊ້ຈ່າຍຈຳນວນຫຼາຍ. ແຕ່ເຂົາເຈົ້າກໍເຕັມໃຈສະໜັບສະໜູນໂຄງການນີ້. (1 ຂ່າວ. 29:2-9; 2 ຂ່າວ. 6:7, 8) ຫຼັງຈາກສ້າງແລ້ວ ວິຫານນີ້ຈະຢູ່ໃນສະພາບທີ່ດີຫຼືບໍ່ກໍຂຶ້ນຢູ່ກັບສະພາບຄວາມເຊື່ອຂອງເຂົາເຈົ້າ (2 ກະ. 22:3-6; 2 ຂ່າວ. 28:24; 29:3) ໃນທຸກມື້ນີ້ ຄລິດສະຕຽນທຸ່ມເທເວລາແລະກຳລັງຫຼາຍໃນການກໍ່ສ້າງ ອະນາໄມ ແລະບຳລຸງຮັກສາຫໍປະຊຸມລາຊະອານາຈັກແລະຫໍປະຊຸມໃຫຍ່. ການເຮັດວຽກຮ່ວມກັບພະເຢໂຫວາແບບນີ້ຖືເປັນສິດທິພິເສດທີ່ຍິ່ງໃຫຍ່ແລະເປັນສ່ວນໜຶ່ງຂອງການຮັບໃຊ້ອັນສັກສິດ.—ເພງ. 127:1; ຄຳປ. 7:15.
ເຮົາມີສ່ວນຮ່ວມໄດ້ໂດຍ . . .
ອະນາໄມຫຼັງຈາກເລີກປະຊຸມທຸກຄັ້ງ. ຖ້າເຈົ້າມີຂີດຈຳກັດກໍໃຫ້ອະນາໄມໃນບໍລິເວນທີ່ເຈົ້ານັ່ງ.
ອະນາໄມແລະບຳລຸງຮັກສາຫໍປະຊຸມຕາມເວນທີ່ກຳນົດໄວ້. ຖ້າມີຫຼາຍຄົນຊ່ວຍກັນກໍເຮັດໃຫ້ວຽກມ່ວນຊື່ນແລະບໍ່ໜັກເກີນໄປ.—ຮພ ໜ້າ 92 ຫຍໍ້ໜ້າ 18.
ສະໜັບສະໜູນໂດຍການບໍລິຈາກ. ພະເຢໂຫວາພໍໃຈເງິນບໍລິຈາກພຽງແຕ່ “ຫຼຽນທອງແດງສອງອັດທີ່ມີຄ່າໜ້ອຍທີ່ສຸດ, ທ.ປ” ທີ່ໃຫ້ດ້ວຍຄວາມເຕັມໃຈ.—ມໂກ. 12:41-44.
ເຈົ້າສາມາດເປັນອາສາສະໝັກກໍ່ສ້າງແລະປັບປຸງສ້ອມແປງອາຄານຕ່າງໆຂອງອົງການ ເຈົ້າບໍ່ຈຳເປັນຕ້ອງມີປະສົບການໃນການກໍ່ສ້າງກໍໄດ້.