ເພງຂອງໂຊໂລໂມນ
7 “ຜູ້ຍິງທີ່ມີຄ່າເອີ້ຍ!
ຕີນເຈົ້າທີ່ໃສ່ເກີບຢູ່ນັ້ນງາມຫຼາຍ.
ສະໂພກຂອງເຈົ້າໂຄ້ງຄືກັບເຄື່ອງປະດັບ
ທີ່ເປັນຜົນງານຂອງຊ່າງທີ່ມີສີມື.
2 ສາຍບືຂອງເຈົ້າຄືກັບຈອກທີ່ມົນໆ.
ຂໍໃຫ້ຈອກນີ້ມີເຫຼົ້າແວງຢູ່ຕະຫຼອດ.
ໜ້າທ້ອງຂອງເຈົ້າຄືກັບກອງເຂົ້າວີດ*
ທີ່ມີດອກລິນລີ້ອ້ອມໄວ້.
3 ໜ້າເອິກຂອງເຈົ້າຄືກັບກວາງນ້ອຍສອງໂຕ
ເປັນກວາງນ້ອຍຝາແຝດ.+
4 ຄໍຂອງເຈົ້າ+ຄືກັບປ້ອມສູງໆທີ່ເປັນງາຊ້າງ.+
ດັງຂອງເຈົ້າຄືກັບຫໍຄອຍຢູ່ເລບານອນ
ທີ່ປິ່ນໄປທາງເມືອງດາມາເຊ.
ກະສັດຫຼົງໄຫຼຜົມທີ່ຍາວໆງາມໆຂອງເຈົ້າ.
6 ທີ່ຮັກຂອງຂ້ອຍ ເຈົ້າງາມຫຼາຍແທ້ໆ ເຈົ້າງາມທັງກາຍແລະໃຈ
ແລະບໍ່ມີສິ່ງໃດງາມສ່ຳເຈົ້າ.
7 ຮູບຮ່າງຂອງເຈົ້າສະຫງ່າງາມຄືກັບຕົ້ນປາມ
ແລະໜ້າເອິກຂອງເຈົ້າຄືກັບພວງໝາກອິນທະຜາລຳ.+
8 ຂ້ອຍເວົ້າວ່າ ‘ຂ້ອຍຈະປີນຂຶ້ນໄປຕົ້ນປາມ
ເພື່ອຈັບເອົາງ່າທີ່ມີໝາກ.’
ຂໍໃຫ້ໜ້າເອິກຂອງເຈົ້າເປັນຄືກັບພວງໝາກລະແຊັງ
ຂໍໃຫ້ລົມຫາຍໃຈຂອງເຈົ້າຫອມຄືກັບໝາກແອັບເປິ້ນ
9 ແລະຂໍໃຫ້ປາກ*ຂອງເຈົ້າເປັນຄືກັບເຫຼົ້າແວງທີ່ດີທີ່ສຸດ.”
“ຂໍໃຫ້ເຫຼົ້າແວງນີ້ມ່ອນຄໍທີ່ຮັກຂອງຂ້ອຍ
ແລະໃຫ້ມັນຄ່ອຍໆໄຫຼຢູ່ເທິງປາກເພື່ອໃຫ້ຄົນນອນຫຼັບສະບາຍ.
10 ຂ້ອຍເປັນຂອງຄົນຮັກຂອງຂ້ອຍ+
ແລະລາວກໍຕ້ອງການຂ້ອຍ.
11 ທີ່ຮັກຂອງນ້ອງເອີ້ຍ! ມາແມ້!
ໃຫ້ພວກເຮົາອອກໄປທົ່ງຫຍ້ານຳກັນ
12 ໃຫ້ພວກເຮົາຕື່ນແຕ່ເຊົ້າແລະໄປສວນໝາກລະແຊັງນຳກັນ
ເພື່ອໄປເບິ່ງວ່າເຄືອໝາກລະແຊັງແຕກກິ່ງ
ແລະມີດອກບານແລ້ວບໍ່+
ແລະເພື່ອໄປເບິ່ງວ່າຕົ້ນໝາກພິລາມີດອກແລ້ວບໍ່.+
ຢູ່ຫັ້ນນ້ອງຈະເຮັດໃຫ້ອ້າຍເຫັນວ່ານ້ອງຮັກອ້າຍຫຼາຍສ່ຳໃດ.+
ມີທັງໝາກໄມ້ສົດແລະໝາກໄມ້ແຫ້ງ.*
ທີ່ຮັກຂອງນ້ອງ ນ້ອງເກັບໝາກໄມ້ເຫຼົ່ານີ້ໄວ້ໃຫ້ອ້າຍ.”