Mosala na biso ya kosunga bandeko

8:1-4; 9:7

Mosala ya bokristo ezali na biteni mibale​—“mosala ya kozongisa na boyokani,” to mosala na biso ya kosakola mpe koteya, mpe “mosala oyo esengelaki kosalema” mpo na bandeko na biso bakristo. (2Ko 5:18-20; 8:4) Na yango, kosalisa bandeko oyo bazali kokelela ezali na kati ya mosala mosantu. Kopesa mabɔkɔ na misala yango esalaka ete

• tókokisa malamu bamposa ya bandeko.​—2Ko 9:12a

• tósalisa bandeko oyo bazwi likama bázongela makambo ya elimo, na ndakisa bápesa mabɔkɔ na molende nyonso na mosala ya kosakola mpo na komonisa bɔtɔndi na bango epai Yehova.​—2Ko 9:12b

• tópesa Yehova nkembo. (2Ko 9:13) Mosala ya kosunga bandeko epesaka litatoli epai ya bato nyonso, ata epai ya baoyo bakaniselaka Batatoli ya Yehova mabe