Programɛ ya botángi ya Biblia

Biblia ezali buku oyo ezali na toli ya malamu koleka. Soki ozali kotánga yango mbala na mbala, kokanisa na mozindo na makambo ozali kotánga mpe ozali kosalela yango, “okolongisa nzela na yo.” (Yosua 1:8; Nzembo 1:1-3) Okoyeba mpe Nzambe ná Mwana na ye Yesu, mpe boyebi yango ekopesa yo libaku ya kozwa lobiko.​—Yoane 17:3.

Osengeli kotánga Biblia ndenge nini? Okoki kopona mayele ndenge na ndenge. Programɛ oyo ya botángi ya Biblia ekosalisa yo otánga mikanda ya Biblia na molɔngɔ to na kotalela mitó ya makambo. Na ndakisa, biteni mosusu ekosalisa yo oyeba ndenge oyo Nzambe azalaki kosalela Bayisalaele makambo mpe biteni mosusu ekosalisa yo omona ndenge lisangá ya bokristo ebandaki mpe ekolaki na siɛklɛ ya liboso. Soki ozali kotánga mwa mikapo mokolo na mokolo, okosilisa kotánga Biblia mobimba na mbula moko.

Ata soki ezali mbala ya liboso oluka kolanda programɛ moko mpo na kotánga Biblia, to ozali na mposa ya programɛ moko mpo na kotánga Biblia mikolo nyonso to programɛ moko oyo ekosalisa yo otánga Biblia mobimba na mbula moko; programɛ oyo ekosalisa yo. Zwá programɛ oyo ya botángi ya Biblia oyo okoki ko-imprimer, mpe bandá yango lelo.