Bilenge mingi bakómi kobɛla na makanisi lelo oyo​—Biblia elobi nini?

Na mokolo ya 13/02/2023, ebongiseli moko ya Amerika oyo etalelaka bamaladi (Centre américain de contrôle et de prévention des maladies) ebimisaki lapolo moko oyo etali bokɔlɔngɔnɔ ya makanisi ya bilenge ya États-Unis. Emonisaki ete bilenge mingi (koleka 40%) oyo bazali na eteyelo, bazalaki kobundana mpo na ntango molai na mayoki ya mawa mpe ya kozanga elikya.

Doktɛrɛ Kathleen Ethier, oyo azali mokambi ya ebongiseli moko oyo etalelaka bilenge mpe biteyelo (Division adolescents et école au CDC) alobaki boye: “Bambula 10 oyo euti koleka, bilenge mingi bakómaki kobɛla motó. Kasi, motángo ya bilenge basi oyo bakómi lelo oyo kobɛla makasi na motó mpe kozala na makanisi ya komiboma ekómi mingi koleka ndenge ezalaki liboso.”

Lapolo emonisaki ete:

• Elenge mwasi 1 na kati ya bilenge basi 10 to koleka (to 14%) basangisaki na bango nzoto na makasi ntango oyo bazalaki na mposa na yango te. Doktɛrɛ Kathleen Ethier alobaki ete: “Likambo yango ezali mpenza kobangisa, mpamba te, ekoki kozala na bilenge basi 10 oyo oyebi, mbala mosusu moko to mingi na kati na bango basangisá na bango nzoto na makasi.”

• Pene na elenge 1 kati na bilenge basi 3 (to 30 %) balingaki mpenza komiboma.

• Pene na bilenge basi 3 kati na bilenge basi 5 (to 57 %) bazalaki mawamawa mpe komiyoka ete bazangi elikya.

Ankɛtɛ yango ezali mpenza kopesa mpasi na motema mpamba te bolenge esengeli kozala eleko moko ya esengo mpe ya nsai. Nini ekoki kosalisa bilenge bálonga mikakatano oyo bazali kokutana na yango lelo oyo? Biblia elobi nini?

Batoli ya Biblia mpo na bilenge

Biblia elobelá na bosikisiki ntango oyo ya mpasi tozali kobika lelo oyo. Ebengi yango “ntango moko ya mpasi mpenza mpe ya mikakatano.” (2 Timote 3:1-5) Kasi, Biblia ezali na batoli mingi oyo ezali kosalisa bamilio ya bilenge na mokili mobimba bálonga atako bazali kokutana na mikakatano. Tiká tótalela masolo oyo ezali kolobela Biblia.

• Et si je n’ai plus envie de vivre?

• Nazali na mposa ya kokufa​​—Biblia ekoki kosalisa ngai ntango nazali na makanisi ya komiboma?

• Mpo na nini kokoba kozala na bomoi?

• Nasala nini mpo natika konyokwama na makanisi?

• Nasala nini mpo natika kokanisa mabe?

• Ndenge nini nakoki kotika komitungisa?

• Ndenge nini nakoki kopekisa mayoki ya mabe?

• Ndenge ya kotika kozala mawamawa mpe kokóma na esengo (moto azali koyema)

• Que faire si je suis harcelé?

• Nasala nini soki bazali kotumola ngai na nzela ya Internet?

• Longá matumoli kozanga ete obunda (moto azali koyema)

• Comment faire face au harcèlement sexuel?

• Koluka kosangisa na moto nzoto na makasi​—Eteni 1: Ndenge ya komibatela

• Koluka kosangisa na moto nzoto na makasi​—Eteni 2: Soki basalá yo yango

Batoli ya Biblia mpo na baboti

Biblia ezali mpe kopesa batoli oyo ebongi mpo na kosalisa baboti básalisa bana na bango oyo bazali bilenge báyikela mikakatano ya bomoi mpiko. Tiká tótalela masolo oyo ezali kolobela Biblia.

• Mpo na nini bilenge mosusu banyokwamaka na makanisi?​—Nini ekoki kosalisa?

• Ntango mwana na yo ya mwasi azali kotungisama na makanisi

• Nasala nini soki batumoli mwana na ngai?

• Si votre adolescent se mutile

• Enfants et réseaux sociaux​—Partie 1: Mon enfant devrait-il utiliser les réseaux sociaux?

• Enfants et réseaux sociaux​—Partie 2: Protégez votre adolescent des dangers des réseaux sociaux

• Bana mpe batelefone​—Eteni 1: Mwana na ngai asengeli kozala na telefone?

• Bana mpe batelefone​—Eteni 2: Teyá bana ndenge malamu ya kosalela telefone

• Comment parler des sextos à votre ado