Mabele “emɛlaki ebale”

Bakonzi ya Leta basalisi basaleli ya Yehova na bileko ndenge na ndenge. (Ezr 6:1-12; Est 8:10-13) Ata na mikolo na biso, tomoni ndenge “mabele;” elingi koloba bato ya mokili oyo bazali na mwa makanisi ya malamu, bamɛli “ebale” ya minyoko oyo “dragɔ,” to Satana Zabolo azali kobimisa. (Em 12:16) Na bantango mosusu Yehova, “Nzambe ya misala ya kobikisa,” akoki kosimba mitema ya bakonzi ya mokili mpo básalisa basaleli na ye.​—Nz 68:20; Mas 21:1.

Bongo soki okɔti bolɔkɔ mpo na kondima na yo? Ndimá na motema moko ete Yehova azali elongo na yo. (Eb 39:21-23; Nz 105:17-20) Yebá ete kondima na yo ekozwa mbano mpe bosembo na yo ekolendisa bandeko na yo ya mokili mobimba.​—Flp 1:12-14; Em 2:10.

TALÁ VIDEO BANDEKO YA CORÉE BABIMI NA BOLƆKƆ, MPE NA NSIMA YANOLÁ NA MITUNA OYO:

• Mpo na nini ebele ya bandeko na biso na Corée du Sud bakɔtaki bolɔkɔ na boumeli ya bambula?

• Bikateli nini ya batribinale esalaki ete bábimisa bandeko na biso mosusu na bolɔkɔ liboso ete mikolo oyo bakatelaki bango ekoka?

• Ndenge nini tokoki kosalisa bandeko na biso ya mokili mobimba oyo bazali sikoyo na bolɔkɔ mpo na kondima na bango?

• Ndenge nini tosengeli kosalela bonsomi oyo tozali na yango sikoyo?

• Nani mpenza asalaka ete tólonga na kosamba nyonso oyo tosambaka na batribinale?