MAKAMBO YA MOTUYA NA LILOBA YA NZAMBE | BAKOLOSE 1-4

Bólongola ya kala, mpe bólata ya sika

Ndeko mwasi moko azali komanyola nsima ya kotánga buku Pusaná penepene ya Yehova mpe azali na Biblia

Obongolaki makambo mingi na bomoi na yo ntango oyebaki Yehova? Na ntembe te, Yehova asepelaki mpenza na milende oyo osalaki. (Ezk 33:11) Kasi, esɛngi okoba kosala milende mpo ozongela bomoto ya kala te mpe okoba komonisa bomoto ya sika. Yanolá na mituna oyo elandi mpo omona bisika oyo esɛngi obongisa:

Ezali na moto moko oyo nakangelá ye nkanda mpo asalaki ngai mabe?
Namonisaka motema molai, ata soki nazali na retare to nalɛmbi?
Soki makanisi mabe eyeli ngai, nabenganaka yango nokinoki?
Nasepelaka te na bato ya mposo to ekólo mosusu?
Mikolo oyo eleki, nakatelaki moto moko lingala to nazangaki komipekisa?