MAKAMBO YA MOTUYA NA LILOBA YA NZAMBE | MISALA 27-28
Paulo akei Roma na masuwa
Paulo akobaki kosakola atako azalaki moto ya bolɔkɔ. Ntango azalaki na masuwa, apesaki litatoli epai ya bato oyo bazalaki kosala na masuwa mpe bato ya mobembo. Ntango masuwa ezindaki na Malta, na ntembe te azwaki libaku yango mpo na kosakola nsango malamu epai ya bato oyo abikisaki. Kaka mikolo misato nsima ya kokóma na Roma, abengisaki bato minene ya Bayuda mpo na kopesa bango litatoli. Na boumeli ya mbula mibale oyo azalaki mokangami na ndako moko na Roma, asakwelaki bato nyonso oyo bazalaki koya kotala ye.
Okoki kosala nini mpo na kosakola nsango malamu atako okoki kozala na makambo mosusu oyo ezali kopekisa yo kosala yango?