Mayebisi

◼ Mikanda oyo tokokabola na sanza ya zomi na mibale: Biblia eteyaka mpenza nini? to Okosepela koyeba solo? Sanza ya yambo mpe sanza ya mibale: Tokoki kosalela mwa buku nyonso ya nkasa 32 kati na oyo elandi: Nsango malamu oyo euti na Nzambe!, Yoká Nzambe, to Yoká Nzambe mpo ozala na bomoi ya seko.

◼ Masangá ya monɔkɔ ya Uruund bakosalela buku Bótikala na kati ya Bolingo ya Nzambe na boyekoli ya Biblia na lisangá kobanda na pɔsɔ ya 6 sanza ya yambo. Bakotalela lisolo oyo elobelaki mokanda yango na Mosala na biso ya Bokonzi 01/2009, lokasa 2. Masangá mosusu nyonso ekosalela buku Pusaná penepene na Yehova na minɔkɔ na bango. Soki masangá ya minɔkɔ ya Kiluba, Kisonge mpe Kongo ezwi mikanda na monɔkɔ na bango noki te, bakolanda malako oyo: Makita ekosalema na monɔkɔ ya lisangá ata soki mokanda yango ezali naino kaka na lifalanse, Swahili, Tshiluba to Lingala. Ndeko mobali oyo akoponama mpo na kosala botángi akosala libongoli ya makambo oyo bazali kotalela, atako esengeli kosalema bongo te. Mpe ntango lisangá ekozwa mikanda na monɔkɔ na yango, mokakatano yango ekosila.

◼ Na mobu 2015, Ekaniseli ekosalema mokolo ya mitano mwa 03/04/2015.