Biyano na mituna na bino

◼ Ezali mpenza malamu kobongisa masolo ya Eteyelo ya mosala ya Teokrasi mpo na kokabolela yango bandeko?

Ezali mabe te tósala yango mpo na libota na biso mpe mwa baninga na biso ya motema. Nzokande, tosengeli te kosala yango mpo na kokabolela bato mingi to kosɛnga bango mbongo liboso bázwa yango, mpamba te kosala bongo ekobuka mibeko etali lotomo ya bakomi.​—Lom. 13:1.

Masolo mosusu ya Eteyelo ya mosala ya Teokrasi, bapesaka kaka motó ya likambo; bamonisaka te esika ya kozwa makambo ya koloba na lisolo yango. Ekozala mpenza malamu ete moto mosusu akomela ndeko oyo akosala lisolo ya ndenge wana bisika oyo akozwa makambo etali lisolo yango to kosangisela ye makambo yango? Te. Ekozala mpe malamu te kopesa bandeko biyano ya mituna ya Bozongeli ya Eteyelo ya mosala ya Teokrasi mpo básalela yango, mpamba te kosala bongo ekosalisa bango te bákanga malamu makanisi ya ntina. Bana-kelasi basengeli bango moko kolukaluka na mikanda. Yango ezali eteni ya ntina mingi ya mateya oyo Yehova apesaka biso na nzela ya eteyelo yango, mpo na kosalisa biso tólobaka na “lolemo ya baoyo balakisami.”​—Yis. 50:4.