Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 15 Mai

“Okanisi ete okoki kofanda na esika lokola oyo balobeli na vɛrsɛ oyo? [Tángá 2 Petelo 3:13. Na nsima, tiká ye apesa eyano.] Zulunalo oyo emonisi soki likoló ya sika mpe mabelé ya sika ezali nini. Elobeli mpe ndenge oyo bomoi ekozala ntango mokano ya Nzambe mpo na mabelé ekokokisama.”

Lamuká! Mai

“Bato mosusu bakanisaka ete mpo na kozala malamu na mokili ya lelo, esengeli kozala moto ya matata. Kasi, talá oyo Yesu alobaki. [Tángá Matai 5:5, 9.] Ondimi likambo yango? [Tiká ye apesa eyano.] Zulunalo oyo elobeli makambo misato ya malamu oyo tokozwa soki tozali bato ya kimya.” Lakisá lisolo oyo ebandi na lokasa 28.

Linɔ́ngi ya Mosɛnzɛli 1 Yuni

“Na bamboka mingi, ezalaki na ntango moko oyo bato bazalaki mpenza komemya mibange, ndenge tokoki komona yango na mobeko oyo ya kala. [Tángá Levitike 19:32.] Okanisi ete bato bamemyaka mibange kaka ndenge wana tii lelo? [Tiká ye apesa eyano.] Zulunalo oyo elobeli ndenge Nzambe atyelaka mibange likebi mpe ndenge oyo biso mpe tokoki kosala bongo.”

Lamuká! Yuni

“Bato ya mobulu oyo babomaka bato babandi lelo te. Kasi lelo oyo bakómi na mokili mobimba mpe bomoi ya moto nyonso ekómi na likama. Okanisi ete ezali bongo mpo na nini? [Tiká ye apesa eyano.] Lamuká! oyo emonisi oyo Biblia elobi mpo na ntango oyo bato yango bakozala lisusu te mpe ndenge Nzambe akotya kimya ya solo awa na mabelé.” Tángá Mika 4:4.